Helgi Kolviðsson, landsliðsþjálfari Liechtenstein, lauk á sunnudag sinni fyrstu undankeppni með liðið. Liechtenstein endaði með tvö stig í undankeppni EM en liðið gerði jafntefli við Grikkland og Armeníu í keppninni.
Helgi er í viðtali við Morgunblaðið í dag en þar fer hann yfir undankeppnina og næstu skref hjá Liechtenstein. Fáir atvinnumenn eru í liðinu og það gerir Helga erfitt fyrir.
Helgi er í viðtali við Morgunblaðið í dag en þar fer hann yfir undankeppnina og næstu skref hjá Liechtenstein. Fáir atvinnumenn eru í liðinu og það gerir Helga erfitt fyrir.
„Það er allt annað að þjálfa Liechtenstein heldur en Ísland enda er þjóðin tíu sinnum fámennari en Íslendingar. Liechtenstein var með tólf til sextán atvinnumenn í liðinu þegar það vann Ísland 3:0 í október 2007 en nú eru þeir ekki nema fjórir," sagði Helgi við Morgunblaðið.
„Landsliðsmennirnir eru því flestir í námi eða fullri vinnu. Miðvörðurinn hjá mér er lögreglumaður og svo er einnig kennari í liðinu."
„Þeir misstu eiginlega úr eina kynslóð ef svo má segja. Hér er þó fullt af ungum strákum og unnið hefur verið í að móta þá sem leikmenn með yngri flokkunum og skólunum."
Athugasemdir