„Samningurinn úti var að renna út og við vildum ekki flytja á nýjan stað og róta meira í lífi barnanna," sagði Birkir Már Sævarsson eftir að hann skrifaði undir þriggja ára samning við Val í dag.
Birkir er með Vals húðflúr og hann var staðráðinn í að ganga aftur til liðs við uppeldisfélagið. „Ég hefði aldrei getað spilað á móti Val," sagði Birkir.
Möguleiki er á að Birkir fari á lán í janúar og fram á vor til að vera í sem besta formi fyrir HM í sumar.
„Það hafa verið smá þreifingar en það er ekkert opinbert. Það hefur verið smá áhugi í Skandinavíu og í Englandi en það hefur ekki komið neitt tilboð ennþá."
„Umboðsmaðurinn er að skoða hvort eitthvað sé áhugavert og við tökum því þegar þar að kemur. Ég er að koma til baka úr viðbeinsbroti og er ekki í 100% leikæfingu núna svo ég veit ekki hversu auðvelt það verður að finna eitthvað."
Birkir hefur verið fastamaður í íslenska landsliðinu og hann ræddi við Heimi Hallgrimsson
„Ég talaði við Heimi fyrir nokkrum mánuðum síðan og við höfum haldið sambandi síðan þá. Hann veit hvar ég stend og ég veit hvar hann stendur. Ég lít þannig á það að ég eigi eins mikinn séns á að komast í landsliðið hér og í Skandinavíu ef ég stend mig vel," sagði Birkir.
Hér að ofan má sjá viðtalið í heild sinni.
Athugasemdir