Útlit er fyrir að Arsenal takist að fá Denis Suarez lánaðan frá Barcelona til að hjálpa félaginu í baráttunni um Meistaradeildarsæti.
Arsenal fær ekki pening til leikmannakaupa og þess vegna er Suarez einn af örfáum leikmönnum sem eru orðaðir við félagið.
Suarez virðist afar spenntur fyrir félagaskiptunum og tóku fylgjendur hans á samfélagsmiðlum eftir því á laugardaginn, þegar Arsenal lagði Chelsea að velli á Emirates leikvanginum.
Suarez var iðinn við að líka við hinar ýmsu færslur í kringum leikinn sem skiptir stuðningsmenn Arsenal gífurlega miklu máli, enda um erkifjendaslag að ræða.
Athugasemdir
