Van Gaal stýrði Hollendingum á HM í Katar, en liðið datt út í 8-liða úrslitum og ákvað þjálfarinn að hætta í kjölfarið.

Þjálfaraferill Van Gaal er stórkostlegur en hann er með félög á borð við Ajax, Barcelona, Bayern München og Manchester United á ferilskránni.

Hann hefur lýst því yfir að hann sé nú hættur í þjálfun, nema það komi símtal frá Portúgal.

„Í annað sinn er ég hættur í þjálfun, en ef Portúgal hringir í mig þá mun ég hlusta. Það er það eina sem ég get sagt,“ sagði Van Gaal á 3FM.

Þjálfarinn hefur síðustu mánuði verið að glíma við ristilkrabbamein síðasta árið en hann hefur farið í nokkrar meðferðir við því. Hann mun því einbeita sér að heilsunni.