Heimir Hallgrímsson og lærisveinar hans í landsliði Jamaíku munu ekki spila um gullið í Þjóðadeild CONCACAF eftir að liðið tapaði fyrir Bandaríkjunum, 3-1, í undanúrslitum í nótt.
Strákarnir hans Heimis komust yfir gegn Bandaríkjunum eftir aðeins 30 sekúndur er Bobby Reid kom með háan bolta á fjærstöngina þar sem Greg Leigh var mættur til að stanga boltann í netið.
Bandaríkjamenn tóku við stjórninni eftir markið og sköpuðu sér mörg úrvalsfæri.
Vonarneistinn var að hverfa og var allt útlit fyrir að Jamaíka væri á leið í úrslit. Bandaríska liðið fékk hornspyrnu þegar um tæp mínúta var eftir af uppbótartímanum. Markvörðurinn Matt Turner mætti inn í teiginn til að auka möguleika Bandaríkjamanna og ætli það hafi ekki virkað að fjölga í teignum.
Þeir höfðu heppnina með sér því Cory Burke setti boltann í eigið net eftir hornspyrnuna og tryggði það Bandaríkjamönnum framlengingu.
Sóknarmaðurinn Haji Wright afgreiddi Jamaíku-menn þar með tveimur mörkum og kom sínum mönnum í úrslit Þjóðadeildarinnar.
Jamaíka mun spila um þriðja sætið gegn Panama, sem fer fram eftir tvo daga.
Athugasemdir