Viktor Karl hefur átt mjög gott sumar með Breiðabliki og verið einn besti leikmaður Íslandsmótsins.

„Ég held að við getum séð Viktor Karl þarna inni," sagði Tómas Þór í útvarpsþættinum Fótbolta.net í gær.

„Hann er besti leikmaðurinn í Pepsi Max-deildinni í dag. Ég er ekki að segja að hann sé endilega að fara að spila. Af þessum strákum í Pepsi Max-deildinni sem hafa komið aftur heim úr atvinnmennsku, þá er hann líklegastur til að fá aftur tækifærið. Hann er það góður," sagði Tómas jafnframt.

Viktor Karl er 24 ára gamall. Hann fór ungur að árum til Hollands og var einnig í Svíþjóð áður en hann kom aftur heim til Íslands 2019.

Það verður áhugavert að sjá hvernig A-landsliðshópurinn verður en hann verður kynntur á næstu dögum væntanlega.