Birkir Bjarnason spilaði fyrstu 58 mínúturnar er Brescia gerði jafntefli við Pescara í ítölsku Serie B deildinni.
Brescia var marki yfir þegar Birki var skipt útaf en heimamenn í Pescara voru mun betri í leiknum og var jöfnunarmarkið verðskuldað.
Brescia er um miðja deild með 18 stig eftir 14 umferðir, fimm stigum eftir Venezia sem er í umspilssæti.
Óttar Magnús Karlsson og Bjarki Steinn Bjarkason voru ónotaðir varamenn er Venezia gerði markalaust jafntefli við Cosenza í dag.
Pescara 1 - 1 Brescia
0-1 E. Torregrossa ('43, víti)
1-1 S. Bocchetti ('62)
Cosenza 0 - 0 Venezia
Í gær kom Kristófer Ingi Kristinsson inn á 23. mínútu er Jong PSV tók á móti Almere City í hollensku B-deildinni.
Jong PSV var 1-0 yfir þegar Kristófer kom inn fyrir markaskorarann Fode Fofana sem gerði fyrsta mark leiksins og meiddist tuttugu mínútum síðar.
Almere tók völdin á vellinum og verðskulduðu gestirnir að snúa taflinu við í síðari hálfleik.
Þeir jöfnuðu á 72. mínútu og gerðu sigurmark í uppbótartíma.
Jong PSV er með 16 stig eftir 17 umferðir. Almere er í öðru sæti með 40 stig.
Athugasemdir