Steven Gerrard, stjóri Rangers, er ekki sammála þeirri ákvörðun Gareth Southgate að velja Trent Alexander-Arnold ekki í enska landsliðið.
Trent var ekki valinn í nýjasta landsliðshóp Englendinga en hann er leikmaður Liverpool líkt og Gerrard var á sínum tíma.
Trent hefur oft spilað betur en á þessu tímabili en allt Liverpool liðið hefur verið í töluverðri lægð.
„Eitt er á hreinu og það er að ég verð alltaf til staðar fyrir Trent," sagði Gerrard í samtali við Athletic.
„Gareth Southgate tekur ákvarðanirnar þarna og ég er ekki endilega sammála þessari. Ég er ekki landsliðsþjálfarinn."
„Að mínu mati þá er Trent besti enski hægri bakvörðurinn á Englandi."
Athugasemdir