FH tapaði sínum fyrsta leik í sumar er þeir mættu KR í gær. Leiknum lauk með 2-0 sigri KR. Athygli vakti að FH þurfti að gera tvöfalda breytingu eftir tuttugu mínútna leik. Eggert Gunnþór Jónsson og Guðmann Þórisson þurftu að víkja.
„Guðmann lagðist niður og þurfti skiptingu. Vonandi ekkert alvarlegt. Eggert Gunnþór einnig tekinn af velli. Tvöföld skipting snemma hjá FH vegna meiðsla." Skrifaði Stefán Marteinn Ólafsson í textalýsingu frá leiknum.
Davíð Þór Viðarsson þjálfari FH sagði að þeir töldu sig tilbúna í leikinn.
„Þeir voru í upphitun og fannst þeir vera klárir, svo þegar þú kemur út í leikinn þá er þetta önnnur ákefð og annað slíkt og þeir fundu að það var ekki sniðugt fyrir þá að halda áfram að spila þannig að ég tók þá útaf og svo þurfum við bara að sjá til á morgun og mánudaginn hvort það sé einhver möguleiki hvort þeir geti verið með á móti Leikni."
FH fer í heimsókn á Domusnova völlinn þriðjudaginn 23 maí.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir