Það styttist alltaf í Evrópumótið í Englandi þar sem Ísland er á meðal þáttökuþjóða.
Í aðdraganda mótsins hefur N1, einn af styrktaraðilum KSÍ, gefið út auglýsingu þar sem Glódís Perla Viggósdóttir, varnarmaður Íslands, er í aðalhlutverki.
Í auglýsingunni talar Glódís til síns yngra sjálfs og fer yfir leiðina á toppinn. „Fyrsta mál er að æfa, æfa og æfa meira. Þegar þú nennir ekki meiru, einmitt þá heldurðu áfram,” segir Glódís.
Glódís spilar í dag með þýska stórveldinu Bayern München og hefur verið lykilmaður í landsliðinu í mörg ár. „Þetta gátum við, hvað nú?”
Það var fyrrum landsliðsmarkvörðurinn Hannes Þór Halldórsson sem leikstýrði þessari gæsahúðar auglýsingu sem má sjá í heild sinni hér að neðan.
Athugasemdir