Kantmaðurinn Jón Dagur Þorsteinsson er núna að leita sér að öðru félagi þar sem samningur hans við AGF í Danmörku er að renna út eftir viku.
Jón Dagur hefur verið orðaður við ýmis félög upp á síðkastið.
Hann hefur meðal annars verið orðaður við Lecce sem leikur í ítölsku úrvalsdeildinni á næsta tímabili.
Núna segir Gazettan á Ítalíu að fólk hjá Lecce sé búið að bóka það að Jón Dagur sé á leiðinni í sumar.
Fyrir leikur Þórir Jóhann Helgason - félagi Jóns Dags í landsliðinu - með Lecce. Hann hjálpaði liðinu að komast upp í ítölsku úrvalsdeildinni á leiktíðinni sem kláraðist fyrir stuttu.
Jón Dagur sem er 23 ára gamall hefur fest sig í sessi sem byrjunarliðsmaður í íslenska landsliðinu upp á síðkastið.
Athugasemdir