Belgíski miðjumaðurinn Leander Dendoncker mun snúa aftur til Aston Villa frá Napoli í sumar en þetta segir Fabrizio Romano á X.
Napoli fékk Dendoncker á láni frá Villa í janúarglugganum en hann hefur aðeins spilað 21 mínútu í þremur leikjum í Seríu A.
Ítalska félagið ætlar sér ekki að gera dvölina varanlega og mun hann því snúa aftur til Villa í sumar.
Samkvæmt Romano á Napoli möguleika á að kaupa hann fyrir níu milljónir evra en félagið hefur ekki áhuga á því.
Samningur Dendoncker við Villa rennur út árið 2026 en alls spilaði hann fimmtán leiki með Villa fyrri hluta tímabilsins.
Athugasemdir