„Finnur Tómas átti dapran dag, var ljónheppinn að fjúka ekki af velli snemma leiks, gefur fyrsta mark Blika og var heilt yfir slakur," skrifaði Arnar Laufdal, fréttamaður Fótbolta.net, í skýrslu um leikinn.

Arnar spurði Rúnar Kristinsson, þjálfara KR, út í frammistöðu Finns á tímabilinu og hvort hún væri undir væntingum?

„Mér finnst hann hafa staðið sig mjög vel, auðvitað gera menn mistök á leiðinni en hann er búinn að vera mjög fínn. Við erum mjög ánægðir með hann," sagði Rúnar eftir leikinn.

„Hann gerir þessi litlu mistök í dag, kannski ótímabær sending og svo var hún ömurlega léleg í leiðinni. Það gerir það að verkum að þeir komast tveir á móti einum, sem þeir eru mjög góðir í."

Sjá einnig:
Sjáðu mörkin fjögur hjá Breiðabliki í gær - Tvær gjafir