Það eru tvær íslenskar stelpur á lista Soccerdonna yfir leikmenn sem á að fylgjast með á þessu ári.
Soccerdonna er miðill sem fylgist vel með kvennaboltanum og er með tæplega 19 þúsund fylgjendur á samfélagsmiðlinum Instagram.
Miðillinn tók saman lista yfir fimm leikmenn sem fótboltaáhugafólk skal fylgjast með.
Á listanum eru tvær íslenskar stelpur; Amanda Andradóttir og Ólöf Sigríður Kristinsdóttir.
Amanda er 17 ára miðjumaður sem spilar með Vålerenga í Noregi. Ólöf Sigríður er 18 ára gömul og spilar fremst á vellinum hjá Þrótti. Hún er í láni þar frá Val og hefur skorað sjö mörk í 12 leikjum í Pepsi Max-deildinni í sumar.
Hér að neðan má sjá færsluna.
Athugasemdir