„Við vorum alveg frábærir í fyrri hálfleik og svo strax í byrjun seinni kemur rautt og þá breytist leikurinn. Þá fannst mér sjást gríðarleg liðsheild í liðinu og mikill vilji til að klára þennan leik almennilega. Mér fannst við sýna styrk liðsins eiginlega á alla vegu í dag," Davíð Smári Lamude, þjálfari Kórdrengja, eftir sigur gegn Þór í dag.
Lestu um leikinn: Kórdrengir 2 - 0 Þór
„Mér fannst að þrátt fyrir að þeir voru einum fleiri í seinni hálfleik þá hafði ég aldrei áhyggjur af því að þeir myndu skora. Ég held að ef við hefðum spilað hérna í 120 mínútur þá hefðu þeir ekki náð inn marki. Mér fannst það sýna styrk liðsins og við höfum sýnt það í allt sumar. Við erum gríðarlega sterkir varnarlega og þéttir fyrir."
„Það þarf ekki að fara mikið yfir tölfræði liðsins til að sjá að okkur hefur vantað aðeins mörk. Það útskýrist kannski á því að Albert er ekki búinn að vera með og Connor Simpson hefur verið í smá brasi bæði meiðslalega séð og að klára færin sín. Hann gerði það frábærlega í dag. Þórir steig líka upp, þegar aðrir detta út þá verða aðrir að stíga upp."
Davíð kom inn á hvernig Kórdrengir ætluðu sér að sækja á Þórsara, það væri mikið bil á mili lína og pláss fyrir aftan öftustu menn.
Rauða spjaldið á Ásgeir, hvað hefuru að segja um það?
„Æi, bara dómarinn er gera sitt besta og ég ætla ekki að kommenta á það. Ég held ég sé búinn að einblína of mikið á að kommenta á dómara í sumar. Maður verður að trúa því að allir séu að gera sitt besta. Vissulega hafa stórar ákvarðanir ekki alveg dottið með okkur. Fyrst og fremst var þetta frábær liðsheild hjá okkur og við erum bara að horfa í það," sagði Davíð.
Viðtalið í heild má sjá í spilaranum að ofan. Hann var spurður nánar út í töpin tvö á undan, meiðsli og frammistöðu Alexanders í markinu í dag.
Athugasemdir