„Það var svolítið erfitt að koma hingað og sækja stig en engu að síður erum við inn í leiknum löngum stundum," sagði Kári Árnason, varnarjaxl landsliðsins, eftir tap gegn Frakklandi í undankeppni EM í kvöld.
Lestu um leikinn: Frakkland 4 - 0 Ísland
Ísland spilaði með fimm manna varnarlínu í leiknum.
„Það eru rosaleg hlaup þegar þú ert með þriggja manna miðju og enga kantmenn. Menn voru orðnir þreyttir. Þeir eru frábært lið, en við eigum ekki að tapa 4-0."
„Í fyrri hálfleik gekk þetta mjög vel. Það er spurning að breyta eitthvað í seinni hálfleik. Þeir voru búnir að finna lausnir. Það er alltaf hægt að vera klár eftir á."
„Þetta er svakalegt lið. Það var enginn ætlast til þess að við myndum taka stig hérna þó við trúum alltaf á verkefnið. Á endanum var þetta of erfitt."
Það eru mikilvægir leikir framundan í júní. „Þetta eru leikir sem við þurfum að vinna."
Viðtalið er í sjónvarpinu hér að ofan.
Athugasemdir