Spartak lagði granna sína í CSKA í Moskvu-slag í Rússlandi í dag. Jordan Larsson skoraði eina mark leiskins á 52. mínútu leiksins. Áður hafði Ilzat Akhmetov fengið að líta rauða spjaldið fyrir brot sem má sjá hér að neðan.

Arnór Sigurðsson lék ekki með CSKA í leiknum þar sem hann tók út leikbann. Arnór fékk sitt fjórða gula spjald á dögunum. Hörður Björgvin Magnússon er þá fjarri góðu gamni eftir að hafa slitið hásin.

CSKA er í 6. sæti deildarinnar, fjórum stigum frá Evrópusæti.