Ástbjörn Þórðarson, leikmaður Keflavíkur, var maður leiksins í markalausu jafntefli gegn FH í kvöld. Þessi fjölhæfi leikmaður lék í hjarta varnarinnar en stór skörð voru hoggin í varnarlínu Keflvíkinga og margir að leika út úr stöðu.
Lestu um leikinn: FH 0 - 0 Keflavík
„Það voru meiðsli hjá okkur og önnur brotthvörf svo menn voru að spila út úr stöðum. Við lágum meira en við höfum gert í þessum leik," segir Ástbjörn.
„Það var kantmaður í vinstri bakverði og miðjumaður í hægri bakverði. Það voru allir út um allt einhvern veginn. Við leystum það ágætlega og fannst við spila mjög góða vörn í þessum leik."
Keflavík er nú fjórum stigum fyrir ofan fallsæti og mætir HK á sunnudaginn.
„Það er fínt að fá stig í dag á móti góðu liði. Það er nóg eftir. Ég er spenntur fyrir leiknum á sunnudag, þetta verður geggjaður leikur þó hann sé inni í Kór."
Athugasemdir