Pólski sóknarmaðurinn Robert Lewandowski hefur verið valinn sem besti leikmaður tímabilsins í Þýskalandi enda hefur hann verið óstöðvandi með FC Bayern.
Menn á borð við Thomas Müller, Jadon Sancho og Timo Werner veittu honum samkeppni en að lokum stóð Lewandowski uppi sem sigurvegari. Þetta er í annað sinn sem Lewandowski er nefndur besti leikmaður þýsku deildarinnar, fyrra skiptið var 2016-17 þegar hann skoraði 30 mörk í 33 leikjum.
Lewandowski er kominn með 33 mörk í 30 deildarleikjum á tímabilinu en Bayern á einn leik eftir, á útivelli gegn Wolfsburg á morgun. Werner er næstmarkahæstur með 26 mörk.
Lewandowski verður 32 ára í ágúst og hefur verið talinn meðal fremstu sóknarmanna heims í næstum áratug. Í heildina hefur hann skorað 239 mörk í 283 leikjum með Bayern.
Ein weiterer Titel für den @FCBayern-Stürmer! 🏆 @lewy_official ist euer Spieler der Saison! Herzlichen Glückwunsch! 👏#Bundesliga #BundesligaPOTS pic.twitter.com/F6d0NKS2Gl
— BUNDESLIGA (@Bundesliga_DE) June 26, 2020
Athugasemdir