Cardiff er í baráttu um að komast upp í ensku úrvalsdeildina en liðið er jafnt Bristol City að stigum í 2.-3. sæti Championship. Tvö efstu liðin munu fara beint upp og fjögur næstu lið í umspil um þriðja lausa sætið.

„Ísmaðurinn er einn af fáum landsliðsfyrirliðum sem spilar í B-deild Englands og gæði hans sjást í hverjum leik sem hann spilar. Án þess að hann sé til staðar til að verja öftustu fjóra er Cardiff mun veikara lið. Það er varla hægt að finna mann sem er betri í að vinna 50-50 baráttu og skapa skyndisóknir," segir Booth. Þá segir hann að tæknileg geta Arons sé vanmetin.

Aron hefur ekkert getað spilað fyrir Cardiff síðan í nóvember en hann fór undir hnífinn í gær. Neil Warnock, stjóri Cardiff, taldi best að Aron færi í aðgerð.

„Ég taldi best að hann færi í aðgerð og málið yrði útkljáð, sér­stak­lega vegna þess að það styttist í HM og Aron verður alltaf með það í huga. Hann var miður sín þegar ég ræddi við hann. Ég sagði honum að við þyrftum að fara þessa leið."

Warnock hyggst reyna að styrkja leikmannahóp sinn í janúarglugganum en Aron Einar hefur gefið það út að hann muni ekki spila í Championship-deildinni á næsta tímabili. Cardiff þarf því að komast upp til að ná að halda honum.

Sjá einnig:
Aron Einar fer frá Cardiff ef liðið fer ekki upp