Ederson fékk rautt spjald á 12. mínútu og City menn voru því manni færri stóran hluta leiksins. Guardiola var að vonum svekktur þegar hann mætti í viðtal eftir tapið.

„Áttatíu mínútur, tíu á móti ellefu er mjög erfitt. Við gátum ekki haldið þetta út."

„Við þurfum núna að hugsa um næsta leik og að vinna leikina okkar. Það er óraunhæft að ná Liverpool úr þessu, svo tekur við annar leikur eftir 48 klukkutíma," sagði vonsvikinn Guardiola.

Manchester City tekur á móti Sheffield United á Etihad vellinum á sunnudaginn klukkan 18:00.