Werner lét ekki til sín taka og var skipt út í hálfleik. Frank Lampard var spurður út í Werner að leikslokum og gagnrýndi sóknarmanninn sinn.

„Sóknarmenn munu alltaf verða dæmdir af mörkunum sem þeir skora og það er eitthvað sem hann verður að bæta. Í dag gaf Timo okkur ekki nóg, hvorki með né án boltans, sagði Lampard að leikslokum.

„Við munum sjá hvort ég hvíli hann í næsta leik, hann virðist vera smá þreyttur. Ég segi alltaf að hann þarf meiri aðlögunartíma og það er satt."

Hinn 24 ára gamli Werner er aðeins búinn að skora fjögur mörk í fimmtán úrvalsdeildarleikjum á tímabilinu. Hann er með samkeppni úr öllum áttum þar sem menn á borð við Tammy Abraham, Olivier Giroud, Christian Pulisic og Callum Hudson-Odoi eru allir í leit að föstu sæti í byrjunarliðinu.

„Hann er með gott hugarfar og ég finn ekki fyrir neinum pirringi þó það gangi ekki vel að skora. Hann er að koma sér í fínar stöður og góð færi, ef hann heldur áfram að gera það þá munu mörkin koma."