Alonso hefur verið að gera stórkostlega hluti við stjórnvölinn hjá Leverkusen og er eftirsóttur af stærstu fótboltafélögum heims. FC Bayern er þar á meðal.

„Ég held að það verði mjög erfitt að krækja í Xabi Alonso, ef ekki ómögulegt," segir Höness, en Alonso á rúmlega tvö ár eftir af samningi sínum við Leverkusen.

„Ég get ímyndað mér að hann verði áfram hjá Bayer Leverkusen til að halda starfi sínu þar áfram."

Real Madrid og Liverpool eru einnig sögð vera á höttunum eftir Alonso, sem hefur ekki tjáð sig um framtíðaráform sín.