Það gerðust hræðilegir hlutir í Liverpool borg á mánudaginn þegar hin 9 ára gamla Olivia Pratt-Korbel var myrt á heimili sínu.
Á 9. mínútu í 9-0 sigri Liverpool á Bournemouth í gær klöppuðu stuðningsmenn til minningar um hana Oliviu, svo fylgdu þeir eftir með því að syngja You'll Never Walk Alone.
Jurgen Klopp stjóri Liverpool talaði um Oliviu í aðdraganda leiksins
„Níu ára? maður nær ekki utan um þetta og því meira sem ég hugsa um það verður erfiðara að skilja þetta. Ég vil senda samúðarkveðjur á alla hjá Liverpool FC og fjölskyldu Oliviu," sagði Klopp.
Jordan Henderson fyrirliði Liverpool var í bol innanundir treyjuna sem á stóð, "Hvíldu í friði Olivia, YNWA"
Þá deildi Harvey Elliott mynd á Instagram af lokaniðurstöðunni í leiknum og skrifaði „hversu viðeigandi"
Athugasemdir
