Balogun hefur hafnað samningstilboðum frá Arsenal þar sem hann er ekki sannfærður um að hann muni fá nægilega mikið að spila fyrir aðalliðið. Balogun hefur á þessu tímabili komið við sögu í fimm keppnisleikjum og skorað tvö mörk, en enginn þeirra hefur verið í ensku úrvalsdeildinni.

Samkvæmt The Athletic eru Englandsmeistarar Liverpool eitt þeirra félaga sem er að fylgjast með stöðu mála hjá sóknarmanninum.

Það er einnig áhugi á honum frá Þýskalandi og hefur hann verið orðaður við Stuttgart.

Arsenal vonast enn til að sannfæra hann um að vera áfram og hefur Mikel Arteta, stjóri liðsins, talað fyrir því að halda honum hjá félaginu.