Hakimi var keyptur til Inter frá Real Madrid fyrir tímabilið en hann sló í gegn á fyrsta tímabili og hjálpaði ítalska liðinu að vinna fyrsta titilinn í ellefu ár.

Inter er að glíma við fjárhagsörðugleika og þarf því að selja frá sér góða leikmenn en Hakimi er að yfirgefa félagið eftir aðeins eitt tímabil þar.

Samkvæmt La Gazzetta dello Sport er PSG búið að bjóða 60 milljónir evra í Hakimi og mun Inter samþykkja það. Það er þó klásúla í samningnum hjá Hakimi sem leyfir Real Madrid að jafna boðið ef það er samþykkt.

Það þykir ólíklegt að Madrídingar nýti sér það en félagið var að ganga frá samningum við David Alaba. Launapakkinn hans er dýr og þá hefur reksturinn hjá Madrídingum verið erfiður undanfarið, því er ekki mikill möguleiki á að Hakimi fari aftur til Spánar.