Paul Pogba, miðjumaður Manchester United, segist ekki hafa komið við Ruben Neves, miðjumann Wolves, í aðdraganda sigurmarks Man Utd gegn Úlfunum í ensku úrvalsdeildinni í dag.
Mason Greenwood skoraði sigurmark Man Utd á 80. mínútu úr þröngu færi.
Úlfarnir voru brjálaðir, þeir vildu fá brot í aðdraganda marksins. Mike Dean var hins vegar ekkert á því að dæma, og ekki þeir í VAR-herberginu heldur.
Pogba tjáði sig um atvikið eftir leik. „Ég snerti hann ekki. Þetta er enska úrvalsdeildin, þetta var 50-50 einvígi. Við unnum boltann og við skoruðum," sagði franski landsliðsmaðurinn.
Neves var á allt öðru máli. „Þetta var brot, klárt brot."
Hvað segir þú? Hægt er að sjá myndband af atvikinu hérna.
Athugasemdir