Nottingham Forest er búið að bæta átján leikmönnum við leikmannahópinn sinn í sumar og eru að minnsta kosti tveir í viðbót á leiðinni fyrir gluggalok.
Hægri bakvörðurinn Serge Aurier kemur á frjálsri sölu eftir að samningur hans við Villarreal rann út í sumar.
Aurier er 29 ára gamall og á 77 leiki að baki í ensku úrvalsdeildinni með Tottenham Hotspur.
Hann á 81 landsleik fyrir Fílabeinsströndina og mun berjast við Neco Williams og Giulian Biancone um byrjunarliðssæti í hægri vængbakverði.
Forest borgaði 16 milljónir punda fyrir Williams og 5 milljónir fyrir Biancone fyrr í sumar. Aurier skrifar undir tveggja ára samning.
Þá er liðsfélagi Aurier hjá Fílabeinsströndinni einnig á leiðinni til Forest, Willy Boly sem hefur spilað 147 leiki á fimm árum hjá Wolves.
Boly var ósáttur með lítinn spiltíma á síðustu leiktíð og heimtaði að vera seldur eftir að tilboð barst frá Forest í sumar. Hann átti að vera á varamannabekk Úlfanna um helgina en mætti ekki til að senda stjórninni skilaboð.
Boly er miðvörður og mun fylla í skarðið sem Moussa Niakhate skilur eftir að hafa orðið fyrir meiðslum. Boly mun berjast við Scott McKenna og Steve Cook um sæti í byrjunarliðinu.
Forest er með fjögur stig eftir fjórar umferðir á þessu langþráða úrvalsdeildartímabili.
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 34 | 24 | 5 | 5 | 82 | 26 | +56 | 77 |
2 | Man City | 33 | 23 | 7 | 3 | 80 | 32 | +48 | 76 |
3 | Liverpool | 34 | 22 | 8 | 4 | 75 | 34 | +41 | 74 |
4 | Aston Villa | 34 | 20 | 6 | 8 | 71 | 50 | +21 | 66 |
5 | Tottenham | 32 | 18 | 6 | 8 | 65 | 49 | +16 | 60 |
6 | Man Utd | 33 | 16 | 5 | 12 | 51 | 50 | +1 | 53 |
7 | Newcastle | 33 | 15 | 5 | 13 | 69 | 54 | +15 | 50 |
8 | West Ham | 34 | 13 | 9 | 12 | 54 | 63 | -9 | 48 |
9 | Chelsea | 32 | 13 | 8 | 11 | 61 | 57 | +4 | 47 |
10 | Bournemouth | 34 | 12 | 9 | 13 | 49 | 60 | -11 | 45 |
11 | Brighton | 33 | 11 | 11 | 11 | 52 | 54 | -2 | 44 |
12 | Wolves | 34 | 12 | 7 | 15 | 46 | 54 | -8 | 43 |
13 | Fulham | 34 | 12 | 6 | 16 | 50 | 54 | -4 | 42 |
14 | Crystal Palace | 34 | 10 | 9 | 15 | 44 | 56 | -12 | 39 |
15 | Brentford | 34 | 9 | 8 | 17 | 52 | 59 | -7 | 35 |
16 | Everton | 34 | 11 | 8 | 15 | 36 | 48 | -12 | 33 |
17 | Nott. Forest | 34 | 7 | 9 | 18 | 42 | 60 | -18 | 26 |
18 | Luton | 34 | 6 | 7 | 21 | 47 | 75 | -28 | 25 |
19 | Burnley | 34 | 5 | 8 | 21 | 37 | 69 | -32 | 23 |
20 | Sheffield Utd | 34 | 3 | 7 | 24 | 33 | 92 | -59 | 16 |