Ef eitthvað er að marka frétt gríska fjölmiðilins To10.gr frá því í gærkvöldi þá gæti íslenski landsliðsmaðurinn Sverrir Ingi Ingason verið á leið í ítalska boltann.
Íslendingavaktin greindi fyrst frá hér á landi. Sverrir Ingi leikur með PAOK í Grikklandi og hefur verið að spila frábærlega sem hefur greinilega vakið athygli.
Tilboðið sem kom frá Ítalíu er frá Fiorentina og er talið hljóða upp á 4,5 milljónir evra, talið er að PAOK vilji fá meira fyrir íslenska landsliðsmanninn.
Sverrir er í toppbaráttu með PAOK í Grikklandi, Fiorentina er hins vegar ekki í jafn góðum málum í ítölsku úrvalsdeildinni, þeir sitja í 15. sæti.
Fiorentina með tilboð í Sverrihttps://t.co/3eARMBiU6f
— Íslendingavaktin (@Islendingavakt) December 29, 2019
Athugasemdir