Breiðablik mætti FH í Faxaflóamótinu fyrr í kvöld og vann auðveldan fimm marka sigur.

Karólína Lea Vilhjálmsdóttir og Rakel Hönnudóttir skoruðu báðar á fyrstu fimm mínútum leiksins. Karólína bætti svo öðru marki við fyrir leikhlé og staðan orðin 3-0.

Sveindís Jane Jónsdóttir kláraði leikinn með tvennu í síðari hálfleik og lokatölur 5-0.

Breiðablik er með fullt hús stiga og markatöluna 17-0 eftir þrjár umferðir. FH er með tvö stig eftir jafntefli við Keflavík og Selfoss í fyrstu umferðunum.