Miðjumaðurinn Nicolo Zaniolo, sem er á mála hjá Roma í ítölsku úrvalsdeildinni, er búinn að vera gríðarlega óheppinn með meiðsli á sínum ferli.
Hinn 21 árs gamli Zaniolo meiddist illa í landsleik með Ítalíu í september síðastliðnum. Hann sleit krossband í annað sinn með stuttu millibili.
Zaniolo er staðráðinn í að vera mættur aftur á fótboltavöllinn í apríl og ná Evrópumótinu með Ítalíu næsta sumar.
„Ég er tilbúinn að koma aftur í apríl og ég ætla mér að ná EM 2021," sagði Zaniolo við Gazzetta dello Sport.
Zaniolo sagðist jafnframt að hann myndi ekki yfirgefa Roma, hann væri gríðarlega ánægður hjá félaginu.
#Zaniolo to Gazzetta dello Sport: "I'm ready to come back in April after the injury [after 2nd ACL tear] and I'll be fit for Euro2021".
— Fabrizio Romano (@FabrizioRomano) December 29, 2020
About EPL club rumours: "No, I'm not leaving AS Roma [next summer]. I'm so happy with the club, the city, our fans". 🇮🇹 #Roma @VeltroniWalter
Athugasemdir