Schalke er í sjötta sæti og heimsækir Hertha Berlin í kvöld. Sigur myndi koma liðinu upp að hlið Borussia Dortmund sem situr í fjórða sæti. Áhugavert verður að sjá hvot Krzysztof Piatek verði með í liði Hertha en hann var keyptur til félagsins í gær.

Á morgun, laugardag, eiga Alfreð Finnbogason og félagar í Augsburg heimaleik gegn Werder Bremen. Augsburg er búið að tapa þremur leikjum í röð en Alfreð fékk að spila síðasta stundarfjórðunginn í 2-0 tapi gegn Union Berlin um síðustu helgi. Hann er búinn að ná sér eftir axlarmeiðslin.

Á sama tíma fer Evrópuslagur Hoffenheim og Bayer Leverkusen fram og þá eiga Borussia Dortmund og FC Bayern einnig leiki.

Dortmund tekur á móti nýliðum Union Berlin á meðan Bayern heimsækir fallbaráttulið Mainz sem er búið að tapa þremur í röð. Bayern er á mikilli siglingu og búið að vinna fimm leiki í röð.

Bayern er aðeins einu stigi frá toppliði RB Leipzig, sem mætir til leiks í síðasta leik laugardagsins. Sá leikur verður gríðarlega erfiður heimaleikur gegn Borussia Mönchengladbach.

Gladbach er í þriðja sæti, tveimur stigum eftir Leipzig.

Tveir leikir fara svo fram á sunnudaginn. Köln mætir Freiburg áður en nýliðar Paderborn fá Wolfsburg í heimsókn. Samúel Kári Friðjónsson sat á bekknum í síðasta leik liðsins, óvæntum 0-2 sigri gegn Freiburg.

Föstudagur:
19:30 Hertha Berlin - Schalke

Laugardagur:
14:30 Augsburg - Werder Bremen
14:30 Hoffenheim - Leverkusen
14:30 Dusseldorf - Frankfurt
14:30 Dortmund - Union Berlin
14:30 Mainz - Bayern
17:30 RB Leipzig - Gladbach

Sunnudagur:
14:30 Koln - Freiburg
17:00 Paderborn - Wolfsburg