Breska ríkisstjórnin beitti refsiaðgerðum gegn rússneska auðkýfingnum Roman Abramovich vegna tengsla hans við Vladimír Pútín, forseta Rússlands.

Eigur hans á Bretlandseyjum voru frystar og gat Chelsea meðal annars ekki keypt leikmenn, framlengt samninga eða selt miða á heimaleiki.

Félagið fékk einungis heimild til að greiða laun leikmanna og starfsmanna en allt annað var sett í lás.

Í gær var formlega gengið frá sölunni á Chelsea og eignaðist Todd Boehly félagið ásamt fjárfestingahópnum Clearlake Capital og er því nú búið að taka allt úr lás.

Stamford Bridge er opinn og geta stuðningsmenn nú verslað, farið á safnið og bókað sér herbergi á hótelum félagsins.