Marcus Rashford skoraði stórskostlegt aukaspyrnumark í 2-1 sigri Manchester United gegn Chelsea á Brúnni í gær. Markið skaut United í 8-liða úrslit enska deildabikarsins.
Sjá einnig:
Sjáðu markið: Sturlað aukaspyrnumark Rashford
Sjá einnig:
Sjáðu markið: Sturlað aukaspyrnumark Rashford
Rashford segir að boltinn hafi hjálpað sér í spyrnunni en í enska deildabikarnum er spilað með Mitre bolta sem eru léttari en Nike boltarnir sem notaðir eru í ensku úrvalsdeildinni.
„Þegar við vorum að æfa með þessum boltum og vorum að skjóta sást að þeir voru flöktandi og gátu í raun farið hvert sem er. Ég þakka fyrir það að boltinn fór upp í hornið í þetta skipti," segir Rashford.
Manchester United hefur nú unnið þrjá leiki í röð en byrjunin á tímabilinu hefur verið liðinu erfið.
„Þetta hefur verið erfitt en við þurfum að berjast til að komast á betra skrið. Aðalatriðið er að bæta okkur og þróast. Við erum klárlega á réttri braut. Byrjun tímabilsins hefur ekki veirð eins og við bjuggumst við en við þurfum að fara að vinna leiki aftur," segir Rashford.
Manchester United mætir D-deildarliði Colchester í 8-liða úrslitum enska deildabikarsins í desember.
Athugasemdir