Rooney er 34 ára gamall en hann spilaði með D.C. United í tvö tímabil í MLS-deildinni áður en hann gerði samning við Derby County.

Hann á magnaðan feril en hann lék með Everton og Manchester United á Englandi þar sem hann vann ensku úrvalsdeildina fimm sinnum með United og Meistaradeild Evrópu einu sinni.

„Ég skrifaði undir í sumar en ég hef æft í nokkrar vikur núna og er tilbúinn að spila. Það er mikil tilhlökkun," sagði Rooney.

„Líkaminn er klár í slaginn og mér líður vel. Svo lengi sem ég tel að ég geti hjálpað liðinu þá mun ég spila. Ég get komið með gæði og reynslu inn í liðið."

„Ég hef alltaf horft á Championship-deildina en hún er mjög ólík ensku úrvalsdeildinni. Það eru fleiri leikir og gæðin ekki alveg jafn góð og í úrvalsdeildina en þetta er góð deild. Það þarf að berjast til að ná í úrslit og ég hef ekkert á móti því," sagði Rooney.