Arsenal hefur áhuga á miðjumanni RB Leipzig, Marcel Sabitzer.
Tottenham hefur fylgst með leikmanninum í nokkra mánuði og nú hefur Arsenal blandað sér í slaginn. Liðið er sagt reiðubúið að greiða 45 milljónir punda fyrir þennan Austurríkismann.
Fyrir utan liðin sem sitja í fallsætum ensku úrvalsdeildarinnar, þá hafa aðeins Burnley og Wolves hafa skorað færri mörk en Arsenal á þessari leiktíð. Því þarf liðið nauðsynlega á skapandi leikmanni að halda.
Sabitzer er miðjumaður sem getur skorað og skapað mörk og hann vakti áhuga margra liða með spilamennsku sinni í riðlakeppni Meistaradeildar Evrópu á þessari leiktíð.
Leikmaðurinn er sagður áhugasamur að flytja til London en það þykir hins vegar mjög ólíklegt að Leipzig sé tilbúið að láta þennan 26 ára gamla leikmann fara í næsta mánuði.
Samningur hans rennur hins vegar út eftir 18 mánuði sem þýðir að liðið gæti misst Sabitzer á lítinn pening, næsta sumar.
Athugasemdir