Heimild: Akraborgin
Magnús Þór Jónsson, skólastjóri í Seljaskóla og þjálfari hjá knattspyrnudeild ÍR, mætti í Akraborgina á X977 og ræddi við Hjört Hjartarson um þær hugmyndir að Breiðholtsfélögin Leiknir og ÍR sameini krafta sína undir nýju nafni.
Sjá einnig:
Umræðan um sameiningu í Breiðholti orðin hávær
Magnús er hlynntur þeim hugmyndum sem Eyjólfur Héðinsson opinberaði um liðna helgi um stofnun fótboltafélags undir nafni Breiðholts.
„Þessi umræða sem hefur verið í fjölmiðlum ætti að leiða til þess að menn setjist niður. Mínar væntingar eru þær að menn geti fengið sér sæti og rætt á yfirvegaðan hátt um kostina og galla og séð hvað hægt sé að gera," segir Magnús.
„Áhuginn hjá þeim sem standa næst fótboltanum í Breiðholti, þá er ég að tala um þá sem starfa hjá félögunum núna, þá sem eru öflugastir í áhorfendahópnum og fyrrum leikmenn, er til staðar."
Magnús vonar að þeir sem sitji í stjórnum félagana taki boltann og fari með þetta lengra. Hann telur að nýtt félag muni auka líkurnar á að halda bestu leikmönnum Breiðholts í félaginu en bæði Leiknir og ÍR hafa verið að missa leikmenn í nágrannafélög.
Þá telur hann að handbolta- og körfuboltadeild ÍR muni græða á þessari sameiningu að því leyti að fleiri úr hverfi Leiknis myndu vera til í að æfa hjá ÍR í þessum greinum og félagið gæti sótt meira inn í þann hluta hverfisins.
Hlustaðu á viðtalið í heild í spilaranum hér að neðan.
Athugasemdir