Þórir Jóhann Helgason.
Það er kominn hálfleikur í leiks Ísrael og Íslands í Þjóðadeildinni.
Lestu um leikinn: Ísrael 2 - 2 Ísland
Staðan er jöfn, 1-1. Ísrael komst yfir eftir heldur til klaufalegan varnarleik hjá okkar mönnum.
En við jöfnuðum og var það miðjumaðurinn Þórir Jóhann Helgason sem gerði markið. Hans fyrsta mark fyrir A-landsliðið.
„JÁJÁJÁ VIÐ ERUM AÐ JAFNA!!!! Jón Dagur fær boltann út til vinstri og tekur við honum og setur boltann inn á hættusvæðið og Ofir Marciano missir boltann til Þóris Jóhanns sem setur boltann í netið," skrifaði Anton Freyr Jónsson í beinni textalýsingu.
Þórir er í kvöld að spila sinn áttunda A-landsleik.
Þórir Jóhann hefur verið að koma sterkur inn í landsliðið upp í síðkastið. Hann er uppalinn í Haukum og lék hann fyrir FH áður en hann hélt erlendis til Ítalíu í fyrra. Á tímabilinu sem var að klárast spilaði hann nokkuð stórt hlutverk í liði Lecce sem vann sér þáttökurétt í ítölsku úrvalsdeildinni á næstu leiktíð.
Athugasemdir
