Stjörnumenn hafa samið við ungan og efnilegan leikmann en sá heitir Ðuro Stefan Beic og kemur frá Sindra frá Höfn í Hornafirði.
Ðuro er 14 ára gamall leikmaður sem á að baki 3 landsleiki með U15 ára landsliði Íslands.
Hann var síðast valinn í úrtakshóp landsliðsins í síðasta mánuði og þykir mikið efni.
Ðuro fékk félagaskipti yfir í Stjörnuna í gær og mun því spila með yngri flokkum félagsins.
Stjarnan leggur mikið upp úr öflugu unglingastarfi og höfum við séð marga leikmenn fá tækifærið með meistaraflokki.
Á undirbúningstímabilinu hafa ungir og efnilegir leikmenn verið að fá tækifærin en þar má til dæmis nefna hinn 14 ára gamla Alexander Mána Guðjónsson, sem kom við sögu í æfingaleik snemma á árinu.
Athugasemdir