Sky Sports segir frá því að Leicester eigi von á ákæru fyrir að brjóta fjármálareglur ensku úrvalsdeildarinnar á síðasta ári, áður en liðið féll úr deildinni.

Það er búist við því að félagið verði jafnvel ákært í næstu viku en það á eftir að koma í ljós.

Rob Dorsett, fréttamaður á Sky, segir að liðið muni ekki missa stig á þessu tímabili en Leicester muni mögulega byrja næsta tímabil með mínus í stigafjölda.

Leicester er sem stendur á toppi Championship-deildarinnar og það eru góðar líkur á því að liðið verði í ensku úrvalsdeildinni á næsta tímabili. Það væri auðvitað ekki ákjósanlegt fyrir liðið að byrja með mínus í stigafjölda en það er möguleiki á að það gerist.