Harry Kane yfirgaf heimavöll Tottenham á hækjum og í spelku eftir leik liðsins gegn Manchester City í 8-liða úrslitum Meistaradeildarinnar í kvöld.
Kane meiddist illa í leiknum eftir samstuð við Fabian Delph. Eftir leikinn í kvöld sagði Pochettino að Kane gæti verið frá út tímabilið.
„Þetta eru hrikalegar fréttir og í rauninni bara sorglegt, mjög sorglegt. Auðvitað vonar maður að þetta muni líta betur út en á horfðist og það kemur í ljóst á næstu dögum," sagði Pochettino eftir leikinn.
„Ég held að það sé augljóst að hann verði frá í einhvern tíma og við munum sakna hans. Mögulega út tímabilið."
Harry Kane missti af nokkrum leikjum fyrr á tímabilinu vegna meiðsla. Hann er er kominn með 23 mörk í öllum keppnum á leiktíðinni.
Mynd af Kane yfirgefa leikvanginn má sjá hér að neðan.
#thfc Kane leaving the stadium on crutches and with his left ankle in a protective boot pic.twitter.com/uDtpM8SSnS
— Dan Kilpatrick (@Dan_KP) April 9, 2019
Athugasemdir