Heimild: Horsens Folkeblad
Danska liðið Horsens á eftir að taka ákvörðun um það hvort samið verði við varnarmanninn Orra Sigurð Ómarsson.
Orri, sem var einn besti leikmaður Íslandsmeistara Vals á nýliðnu sumari, hefur verið að skoða aðstæður hjá Horsens og þá spilaði hann æfingaleik gegn Union Berlín í Þýskalandi í gær. Leikurinn endaði 1-1 og spilaði Orri í hjarta varnarinnar.
Fyrr í þessari viku bárust fregnir af því að Horsens hefði náð samkomulagi við Val um kaup á Orra.
Það er þó ekki staðfest að Horsens muni kaupa hann.
„Hann var óöruggur í sínum aðgerðum í fyrri hálfleiknum en það er eðlilegt þar sem það er liðinn mánuður síðan hann spilaði síðast leik. Frammistaða hans skánaði í seinni hálfleiknum" sagði Bo Henriksen, þjálfari Horsens í viðtali eftir leikinn. Eins og margir vita spilaði Henriksen á Íslandi á árum áður. Hann var á mála hjá Val, Fram og síðan ÍBV og skoraði nokkur mörk.
Orri, sem var einn besti leikmaður Íslandsmeistara Vals á nýliðnu sumari, hefur verið að skoða aðstæður hjá Horsens og þá spilaði hann æfingaleik gegn Union Berlín í Þýskalandi í gær. Leikurinn endaði 1-1 og spilaði Orri í hjarta varnarinnar.
Fyrr í þessari viku bárust fregnir af því að Horsens hefði náð samkomulagi við Val um kaup á Orra.
Það er þó ekki staðfest að Horsens muni kaupa hann.
„Hann var óöruggur í sínum aðgerðum í fyrri hálfleiknum en það er eðlilegt þar sem það er liðinn mánuður síðan hann spilaði síðast leik. Frammistaða hans skánaði í seinni hálfleiknum" sagði Bo Henriksen, þjálfari Horsens í viðtali eftir leikinn. Eins og margir vita spilaði Henriksen á Íslandi á árum áður. Hann var á mála hjá Val, Fram og síðan ÍBV og skoraði nokkur mörk.
Hann segir að ákvörðun verði tekin um það í næstu viku hvort Orri verði keyptur til félagsins.
„Hann fékk sanngjarnt tækifæri og nú verðum við að fara yfir leikinn. Við munum taka ákvörðun í næstu viku."
Orri er uppalinn hjá HK en hann var á mála hjá danska félaginu AGF í þrjú ár áður en hann gekk í raðir Vals fyrir sumarið 2015.
Horsens er í sjötta sæti í dönsku úrvalsdeildinni eftir fimmtán umferðir. Framherjinn Kjartan Henry Finnbogason spilar með liðinu.
Athugasemdir
