Fotbolti.net
16.08.20 - 18:32
Guðmundur Aðalsteinn Ásgeirsson

Messi óánægður og vill fara núna

Lionel Messi.

Lionel Messi.

Canon

Mynd: Getty Images

Lionel Messi vill fara frá Barcelona að sögn fjölmiðlamannsins Marcelo Bechler.
Hann segir að Argentínumaðurinn sé búinn að fá nóg af stjórnarháttum félagsins. Það hefur gengið illa að búa til lið í kringum hann þrátt fyrir að miklum peningum hafi verið varið í leikmannakaup.

Messi hefur verið ósáttur við stjórn Börsunga í mörgum málum, þar á meðal það hvernig farið var að því að lækka laun leikmanna í byrjun kórónuveirufaraldursins.

Bechler, sem var fyrstur að segja frá því að Neymar myndi fara til Paris Saint-Germain árið 2017, segir núna að Messi sé búinn að fá nóg og hann vilji fara, og það núna. Samningur Messi rennur út á næsta ári.

Barcelona féll úr leik í Meistaradeildinni í síðustu viku. Liðið var niðurlægt af Bayern München, 8-2.

Messi, sem er 33 ára, hefur allan sinn feril leikið með Barcelona.


Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.