Lestu um leikinn: Keflavík 1 -  2 Víkingur R.

„Þetta var rosalega torsótt eitthvað. Ég var alls ekki ánægður með fyrri hálfleikinn, við vorum allt of fyrirsjáanlegir og hægir. Keflavík voru baráttuglaðir og náðu marki á meðan við vorum megnið af fyrri hálfleik með boltann en bara gerðum voða lítið við hann,“ sagði Arnar í viðtali eftir leik.

Arnar lét sína menn heyra það inn í búningsherbergi í hálfleiknum þegar Víkingar voru 1-0 undir.
„Ég hef hingað til verið mikill rólyndismaður en ég þurfti aðeins að beysta mig, ég var pirraður,“ svaraði Arnar áður en hann bætti við, „íþróttamenn gera það kannski ekki viljandi en menn þurfa að skynja tækifærið þegar þú átt tækifæri að vinna titill. Þú verður að finna það alveg í innsta beini hvað þetta er mikilvægt,“ svaraði Arnar aðspurður að því hvað hann hafi sagt við sína menn í hálfleik.

Víkingar voru töluvert betri í seinni hálfleik sem skilaði því að liðið fer heim í Fossvoginn með stiginn þrjú.
„Ég varð að breyta einhverju í seinni hálfleik, ekki það að leikmenn sem fóru út af stóðu sig eitthvað illa, það þurfti bara að fá fleiri leikstöður einn á móti einum. Kwame og Adam komu inn með þvílíkan kraft og innspýtingu.“

Viðtalið í heild má sjá í spilaranum hér að ofan en þar ræðir Arnar einnig um frammistöðu Kwame Quee og veikindi hans.