Japanski varnarmaðurinn Takehiro Tomiyasu er búinn að framlengja samning sinn við stórlið Arsenal.
Tomiyasu er samningsbundinn Arsenal þar til í júní 2026 og er möguleiki á eins árs framlengingu í samningnum.
Tomiyasu er 25 ára gamall og hefur spilað 73 leiki á rúmlega tveimur og hálfu ári hjá Arsenal, yfirleitt sem bakvörður.
Hann er fjölhæfur leikmaður sem getur spilað í öllum stöðum í vörninni en hann er hægri bakvörður að upplagi.
Hann er þekktur fyrir að vera mikill baráttuhundur og var hjá Bologna í ítalska boltanum áður en hann skipti til Arsenal.
Tomiyasu á 41 landsleik að baki fyrir Japan og hefur spilað í 20 leikjum það sem af er tímabils.
Takehiro Tomiyasu, here to stay ?? pic.twitter.com/4kAaXIVzcV
— Arsenal (@Arsenal) March 20, 2024
Athugasemdir