„Þetta var mjög sætt í leikslok. Þetta var ekki auðvelt, þetta var erfitt," sagði Guðlaugur Victor Pálsson, leikmaður Íslands, eftir 4-1 sigur gegn Ísrael í kvöld.
Strákarnir okkar munu á þriðjudaginn spila úrslitaleik við Úkraínu um sæti á Evrópumótinu eftir þennan frábæra sigur.
Strákarnir okkar munu á þriðjudaginn spila úrslitaleik við Úkraínu um sæti á Evrópumótinu eftir þennan frábæra sigur.
Lestu um leikinn: Ísrael 1 - 4 Ísland
„Við vorum ekki nægilega góðir. Eina almennilega 'momentum-ið' sem við áttum í leiknum voru kannski síðustu 15 mínúturnar í fyrri hálfleik. Þá skoruðum við tvö mörk en þar vorum við að halda í boltann og gera þeim erfitt fyrir. Á undan því vorum við ekki búnir að vera góðir."
„Þegar við komum aftur út vorum við heldur ekki nægilega góðir. Þeir fá þetta víti og klúðra því, en það er bara ógeðslega mikil heppni fyrir okkur. Þetta var góður karakter samt sem áður og flott liðsheild. Ég get ekki sett fingur á að einhver hafi ekki gefið 100 prósent. Þegar þú gerir það þá vinnur maður inn heppnina," sagði Gulli Victor.
,;Við þurfum að horfa á þetta aftur og læra af þessu. Þeir eru með flinka leikmenn. Það sem þú sérð síðustu 15 mínúturnar í fyrri hálfleik, við þurfum meira þannig. Við erum með ógeðslega góða tekníska leikmenn og við þurfum að finna meira svæðin, þurfum að vera þægilegri í því. Við vorum ekki að vinna seinni boltana og of langt á milli lína. Það lögðu sig samt allir 100 prósent fram og þá vinnur þú inn þessa heppni."
Victor segir að það verði fagnað í kvöld og svo verði einbeitingin sett á Úkraínu á morgun. Hann segir að það þurfi að renna vel yfir leikinn í kvöld og byggja ofan á þennan 15 mínútna góða kafla.
Athugasemdir