Sigurbjörn Hreiðarsson, þjálfari Grindavíkur.
Sumarið hefur verið erfitt hjá Grindvíkingum. Þeir hafa oft tapað niður góðri stöðu í lok leikja og eru í sjöunda sæti Lengjudeildarinnar.
Sigurbjörn Hreiðarsson, þjálfari liðsins, ræddi við Fótbolta.net eftir tap gegn Gróttu í vikunni. Seltirningar skoruðu sigurmarkið djúpt í uppbótartíma.
„Þetta er náttúrulega ömurlegt. Súmmerar bara upp sumarið hjá okkur frá 8. umferð. Við erum gjörsamlega að mínu viti með þennan leik, spilum þá sundur og saman á köflum og komumst í frábæra möguleika til að gera hluti. Komumst yfir, fáum svo mark á okkur í skeytin fyrir utan teig og svo í síðustu snertingu leiksins er mark úr horni. Svona hefur þetta verið," sagði Sigurbjörn Hreiðarsson eftir tapið á þriðjudag.
Leikurinn var jafn 1-1 frá 33. mínútu þar til á 96. mínútu þegar Sigurvin Reynisson skorar úr skalla eftir hornspyrnu frá Kristófer Orra. Það reyndist vera síðasta snerting leiksins og 2-1 sigur Gróttu staðreynd.
Sigurbjörn Hreiðarsson, þjálfari liðsins, ræddi við Fótbolta.net eftir tap gegn Gróttu í vikunni. Seltirningar skoruðu sigurmarkið djúpt í uppbótartíma.
„Þetta er náttúrulega ömurlegt. Súmmerar bara upp sumarið hjá okkur frá 8. umferð. Við erum gjörsamlega að mínu viti með þennan leik, spilum þá sundur og saman á köflum og komumst í frábæra möguleika til að gera hluti. Komumst yfir, fáum svo mark á okkur í skeytin fyrir utan teig og svo í síðustu snertingu leiksins er mark úr horni. Svona hefur þetta verið," sagði Sigurbjörn Hreiðarsson eftir tapið á þriðjudag.
Leikurinn var jafn 1-1 frá 33. mínútu þar til á 96. mínútu þegar Sigurvin Reynisson skorar úr skalla eftir hornspyrnu frá Kristófer Orra. Það reyndist vera síðasta snerting leiksins og 2-1 sigur Gróttu staðreynd.
Lestu um leikinn: Grótta 2 - 1 Grindavík
„Við höfum spilað margoft mjög vel, við erum á þeim gjörsamlega í restina. Við erum að reyna að ná inn úrslitamarki en fáum það í bakið. Við erum búnir að fá nokkur svona í bakið. Það er bara saga sumarsins og er orðið frekar leitt, orðið frekar pirrandi."
Hefði Bjössi verið sáttur með jafntefli?
„ Eitt stig er betra en ekkert stig, það er á hreinu. En eins og þetta spilaðist þá fannst mér 3 stig vera gjörsamlega í boði eins og í þeim leikjum undanfarið sem við höfum tapað svo á lokasekúndunum. Þá hafa 3 stig verið í boði en við höfum ekki náð að klára það."
„Þetta verður ekki meira svekkjandi. Nú eru 3 af seinustu 4 leikjum sem við eigum ekki séns á að jafna vegna þess að við tökum bara miðjuna og það er nánast flautað af. Þetta er orðið leitt ég skal alveg viðurkenna það. Ég held að Gróttumenn séu ótrúlega ánægðir með 3 stig hérna og hefðu verið mjög ánægðir með 1 stig. En þeir unnu og eru komnir slatta fram úr okkur, við þurfum bara að enda þetta eins og menn."
Þjálfaraskipti gætu orðið hjá Grindavík eftir tímabilið en Alfreð Elías Jóhannsson hefur verið orðaður við starfið.
Viðtalið við Sigurbjörn í heild sinni má finna í sjónvarpinu hér að ofan
Athugasemdir
