Samningur Alfreðs rennur út eftir tímabilið og ætlar hann ekki að endurnýja samninginn. Hann tók við liðinu í næstefstu deild og fór beint upp með liðið. Árið 2019 stýrði hann liðinu til bikarmeistaratitils og árið 2020 varð liðið meistari meistaranna.

Núna er Alfreð Elías orðaður við þjálfarastarfið hjá karlaliði Grindavíkur, sem leikur í Lengjudeildinni.

Fótbolti.net hefur heyrt sögur um að Alfreð muni taka við Grindavík eftir tímabilið. Hann var á leiknum í Grindavík í kvöld.

Sigurbjörn Hreiðarsson er núna þjálfari Grindavíkur en hann verður samningslaus eftir tímabil. Sigurbjörn var spurður út í framtíðina eftir sigur á Þrótti í kvöld.

„Nei, við erum bara inn í miðju tímabili og við tökum bara stöðuna þegar rétti tíminn er til þess. Við bara fókuserum á þrusu Gróttulið sem er á þriðjudaginn," sagði Bjössi.

Grindavík er í sjöunda sæti Lengjudeildarinnar með 23 stig. Árangurinn er undir væntingum.