Guðjón Pétur Lýðsson verður líklega ekki áfram hjá Breiðabliki á næsta tímabili en þetta kemur fram á Vísi.is í dag.
„Það er erfitt að segja hvað gerist en líklega verð ég ekki áfram hjá Breiðabliki. Ég hafnaði því fyrr í sumar en þá slitnaði upp úr samningaviðræðum okkar á milli,“ segir Guðjón Pétur í samtali við Vísi.
„Það er erfitt að segja hvað gerist en líklega verð ég ekki áfram hjá Breiðabliki. Ég hafnaði því fyrr í sumar en þá slitnaði upp úr samningaviðræðum okkar á milli,“ segir Guðjón Pétur í samtali við Vísi.
„Ég er þó að skoða mín mál og getur vel verið að ég verði áfram. Ég útiloka ekki neitt.“
„Ég átti frábært tímabil, þrátt fyrir að spila ekki mína stöðu og fá ekki fullt traust hjá þjálfaranum.“
Félög erlendis hafa sýnt Guðjóni Pétri áhuga og toppliðin á Íslandi vilja einnig fá hann í sínar raðir eins og kom fram í Slúðurpakkanum á Fótbolta.net í dag.
Guðjón Pétur skoraði fjögur mörk í tuttugu leikjum í Pepsi-deildinni í sumar og lagði upp mörg til viðbótar.
Hinn 27 ára gamli Guðjón kom til Blika fyrir sumarið 2013 en hann lék áður með Val, Haukum, Stjörnunni og Álftanes.
Athugasemdir