Souness, sem er bæði fyrrum leikmaður og stjóri Liverpool, skrifar oft um Pogba og þegar hann kemst í sjónvarp sem sérfræðingur þá fær Pogba yfirleitt að heyra það.

Pogba, sem hefur verið afar slakur í síðustu tveimur deildarleikjum United, fær að heyra það frá Souness í dag.

„Pogba spilar fyrir sjálfan sig, það snýst allt um það hversu svalur hann er, hann vill sýna það hversu sniðugur hann getur verið. Ég held að Pogba sé bara í liðinu til að halda verðmæti sínu uppi þangað til United ákveður að selja hann. Það er engin önnur ástæða fyrir því að hann sé í liðinu," segir Souness við Sunday Times.

„Kannski erum við núna að sjá sjálfselska leikmanninn sem Ferguson vildi ekki sjá þegar hann var fyrst hjá félaginu?"

Pogba er í byrjunarliði Man Utd sem mætir Burnley klukkan 15:00.